Spitali i Ferizajt prej kësaj jave ka filluar me realizimin e procedurave të gastroskopive, duke iu dhënë një lajm të jashtëzakonshëm pacientëvve të kësaj ane.
Drejtori i këtij spitali, Dr Jeton Zeqiri, ka njoftuar se falë ndihmës së Dr Vllaznim Fazliut, mjekët në këtë institucion realizuan gastroskopinë e parë në spital.
“Sot në SP-Ferizaj filluam realizimin e gastroskopive, duke falenderuar dr Vllaznim Fazliun i cili pa hezitim ka pranuar kërkesën tonë për trajnimin e gastroenterologëve tanë, duke iu lehtësuar pacientëve tanë barrën financiare”, njofton Dr Zeqiri, shkruan Gazeta Shneta.
Dr Vllaznimi është një nga mjekët më të njohur të kësaj ane dhe i pari në vend që e realizon procedurën e diagnostifikimit të fibrozës së mëlçisë përmes pajisjes ultrasonografike dhe teknikës të njohur si Shear Wave Elastography.
Kjo është teknikë e përdorimit të ultrazërit, pa shpim dhe biopsi. /Gazeta Shneta/
