Në një hap të rëndësishëm për kujdesin shëndetësor, Administrata Amerikane e Ushqimit dhe Barnave (FDA) ka miratuar një trajtim të parë për “ngrirjen e rëndë”, duke reduktuar rrezikun e amputimit të gishtit ose këmbës tek të rriturit.
Ngrirja është një gjendje serioze që mund të sjellë pasoja të rënda nëse nuk trajtohet në kohë. Në një njoftim për shtyp, FDA bëri të ditur se ka miratuar injeksionin Aurlumyn (iloprost), një vazodilatator që hap enët e gjakut dhe parandalon mpiksjen e gjakut, shkruan Health,transmeton Gazeta Shneta.
Ky miratim sjell një opsion të rëndësishëm të trajtimit për ngricat e rënda, duke ofruar një mjet që mund të ndihmojë në parandalimin e amputimit të gishtave ose këmbëve të ngrira. Ngrirja mund të ndodhë në disa faza, fillon nga ngrirja e lehtë deri te ajo e rëndë, kur lëkura dhe indet e poshtme janë të ngrira dhe rrjedhja e gjakut ndalet. Në rast të ngrirjes së rëndë, amputimi mund të jetë i domosdoshëm.
Ilprost u miratua fillimisht në SHBA në vitin 2004 si një medikament për të trajtuar hipertensionin arterial pulmonar. Në një provë klinike, iloprost tregoi efikasitet në trajtimin e ngricave të rënda, duke reduktuar nevojën për amputim në pjesën më të madhe të rasteve.
CDC këshillon që nëse vëreni shenja të ngrirjes, kërkoni menjëherë kujdes mjekësor dhe kujdeseni për personin duke e vendosur në një mjedis të ngrohtë. Mos harroni që këto këshilla janë thelbësore për kujdesin e ngrirjes./Gazeta Shneta