Administrata e Ushqimit dhe Barnave (FDA) në Shtetet e Bashkuara të Amerikës, miratoi të martën remdesivirin antiviral si trajtimin e parë për COVID-19 për fëmijët e vegjël.
Bari deri më tani ishte i disponueshëm vetëm për këtë grupmoshë sipas një urdhri të veçantë të autorizimit të përdorimit emergjent të FDA-së përcjell Gazeta Shneta.
Tani, mjekët që trajtojnë fëmijët nën 12 vjeç, të cilët janë shtruar në spital ose janë në shtëpi me COVID të butë deri në mesatar, por me rrezik të lartë për COVID të rëndë, mund të përshkruajnë lehtësisht Veklury (Remdesivir) për pacientët e tyre të vegjël.
Remdesivir tashmë ishte miratuar plotësisht për të trajtuar personat 12 vjeç e sipër.
“Meqenëse COVID-19 mund të shkaktojë sëmundje të rënda te fëmijët, disa prej të cilëve aktualisht nuk kanë një opsion vaksinimi, vazhdon të ekzistojë nevoja për opsione të sigurta dhe efektive të trajtimit të COVID-19 për këtë popullatë,” tha Dr. Patrizia Cavazzoni, drejtore e Qendrës së FDA-së për Vlerësimin dhe Kërkimin e Barnave, në një njoftim për lajmet e agjencisë.
Për të mësuar më shumë rreth komplikimeve të shtatzënisë KLIKO KËTU.
“Aprovimi i sotëm i terapisë së parë për COVID-19 për këtë popullatë tregon përkushtimin e agjencisë për këtë nevojë.”
Në një njoftim për lajmet nga prodhuesi i barnave Gilead Sciences, një mjeke e sëmundjeve infektive pediatrike e mirëpriti lajmin.
“Ky miratim do të thotë se remdesivir mund të ofrojë potencialisht përmirësim klinik domethënës, duke reduktuar përparimin e sëmundjes dhe duke i ndihmuar fëmijët të shërohen nga COVID-19 më shpejt,” tha Dr. Amina Ahmed.
Miratimi u bazua në rezultatet nga një provë klinike e fazës -III- për të rriturit, njoftoi FDA, duke vënë në dukje se kursi i sëmundjes është i ngjashëm si tek pacientët e rritur ashtu edhe tek ata pediatrikë.
Mes tjerash, gjithashtu mbështetet nga një studim klinik i fazës 2/3 me 53 pacientë pediatrikë, raportoi FDA. /Gazeta Shneta/