Rregullatorët amerikanë kanë paralajmëruar për defekt serioz në disa sensorë të matjes së glukozës nga kompania Abbott, të cilët janë lidhur me 7 vdekje dhe 736 raste të lëndimeve serioze në mbarë botën.
FDA njoftoi se disa modele të FreeStyle Libre 3 dhe FreeStyle Libre 3 Plus po japin lexime të rreme të glukozës së ulët, çka mund t’i çojë pacientët me diabet në vendime të rrezikshme si marrja e tepërt e karbohidrateve apo vonimi i insulinës.
Paralajmërimi prek rreth tre milionë sensorë të prodhuar nga një linjë e vetme, ndërsa Abbott ka deklaruar se problemi është identifikuar dhe zgjidhur.
Përdoruesit këshillohen t’i ndalojnë menjëherë këta sensorë, t’i hedhin dhe të verifikojnë në FreeStyleCheck.com nëse pajisja e tyre është pjesë e lotit të prekur për ta zëvendësuar falas./Gazeta Shneta/