Një studim i ri tregon se fëmijët e vegjël që rriten në familje me probleme ekonomike mund të shfaqin shenja të vonesës në zhvillimin e trurit.
Hulumtuesit nga Boston Children’s Hospital zbuluan se bebet në familje që nuk arrijnë të sigurojnë nevojat bazë, si ushqim dhe mbështetje emocionale, treguan aktivitet më të ulët në zona të trurit që lidhen me zhvillimin kognitiv.
Studimi përfshiu rreth 300 foshnja, të cilat u monitoruan në moshën 4, 9 dhe 12 muajsh. Aktiviteti i trurit u mat përmes EEG-së, ndërsa prindërit plotësuan pyetësorë mbi të ardhurat e familjes.
Rezultatet treguan se vonesat ishin më të dukshme tek foshnjat që jetonin në familje ku prindërit ndiheshin të pamjaftueshëm financiarisht.
Hulumtuesit theksojnë se ofrimi i nevojave bazë dhe mbështetja e aktivitetit të hershëm mësimor, si lojërat, ekspozimi ndaj gjuhës dhe interaktiviteti social, mund të ndikojnë pozitivisht në zhvillimin e trurit.
Ekspertët sugjerojnë se politikat që mbështesin stabilitetin financiar të familjeve gjatë vitit të parë të jetës së fëmijës mund të kenë ndikim të qëndrueshëm në zhvillimin e tyre./Gazeta Shneta/