Dy raste të hedhjes nga ndërtesa e Kirurgjisë në QKUK kanë ndodhur brenda dy ditësh.
Gruaja që u hodh dje sipas rrëfimit të një dëshmitari, i kishte lënë dy fëmijët në veturë duke pritur.
“Ajo kishte ardhur në QKUK bashkë me fëmijët e saj dhe iu kishte thënë se do ta bëjë një kontroll. Gruaja i kishte lënë fëmijët në veturë duke pritur, ndërkohë që ka shkuar në Kirurgji dhe është hedhur”, ka deklaruar ky dëshmitar.
Zyra për media e SHSKUK-së deklaroi për Gazeta Shneta se gruaja ishte shoqëruese e dy familjarëve të saj të shtrirë në QKUK.
“Ju konfirmoi se dje nje shoqeruese e familjarve te shtrire ne QKUK ka nderruar jete dhe sipas rezultatateve te deritanishme dyshohet qe ka bere vetevrasje, nuk ka qene paciente e shtrire ne QKUK si u raportua, por vetem shoqeruese e disa familjareve te saj te shtrire”, thuhet në përgjigjen e SHSKUK-së.
Rastin e ka konfirmuar edhe Policia e Kosovës. Sipas zëdhënësit të Policisë së Kosovës për Rajonin e Prishtinës, Agon Borovci, dyshohet se 43 vjeçarja ka bërë vetëvrasje.
Rasti tjetër që ndodhi sot ku një grua u hodh nga kati i Kirurgjisë Plastike, fatmirësisht shpëtoi. /Gazeta Shneta/