Ka filluar protesta “Mbrojtje për vajzat dhe gratë” në sheshin “Zahir Pajaziti” në kryeqytet.
“Gra armatosuni”, “Shteti fajtor”, “Siguri për vajzat”, “Përdhunuesit në burg” janë vetëm disa nga thirrjet e protestuesëve.
11 vjeçarja dyshohet se është dhunuar nga pesë persona.
Pesë të dyshuarit janë arrestuar nga Policia e Kosovës përderisa dje gjatë ditës është mbajtur seanca e parë gjyqësore për 27 vjeçarin, njëri nga të dyshuarit për dhunim seksual të 11 vjeçares.
Përveç të dyshuarit E.R, 27 vjeçarë, për dhunim seksual ndaj të miturës janë duke u akuzuar edhe katër persona të tjerë.
Rasti tragjik ka ndodhur në një park në kryeqytet përderisa e mitura ishte duke ecur në park ku fillimisht ishin afruar tre persona duke e ngacmuar me fjalë dhe duke e prekur në pjesën e barkut dhe në fund të shpinës. Pastaj të dyshuarit kanë filluar duke e zhveshur në park. Njëri prej tyre duke ia mbajtur gojën e mbyllur dhe duart ndërsa tjetri duke e dhunuar, pastaj dhunën seksuale e ka vazhduar edhe personi tjetër.
Pas dhunimit nga dy personat e parë, sipas përshkrimit të prokurorisë, tre personat e tjerë, bashkëpunëtorë me dy të dyshuarit e parë, e kanë marrë me veturë 11 vjeçarën duke e dërguar në një vend tjetër ku kishte vetëm pemë dhe bari. Aty, dyshohet se është dhunuar edhe nga tre personat e tjerë.
Sipas prokurisë, dhunimi seksual i të miturës ka zgjatur disa orë. /Gazeta Shneta/