Arianit Jakupi ka dhënë dorëheqje nga pozita e kryetarit të Odës së Farmacistëve të Kosovës.
Jakupi e ka konfirmuar dorëheqjen për Gazetën Shneta duke thënë se e ka bërë për arsye personale.
“Është për arsye personale. Kam disa angazhime brenda dhe jashtë Kosovës, janë çështje profesionale disa hulumtime me të cilat dëshiroj me u marr”, ka deklaruar Jakupi.
Ai ka mohuar se dorëheqja e tij lidhet me zhvillimet brenda OFK-së kur Kuvendi e shkarkoi me shumicë votash përmes një mocioni të mosbesimit. Megjithatë Jakupi ishte kthyer në pozitë përmes një vendimi të Gjyqit të Nderit.
Gazeta ka pyetur poashtu Jakupin nëse ka pretendime tjera në të ardhmen për të udhëhequr ndonjë institucion, por ai nuk ka dhënë ndonjë koment.
“Nuk kam ndonjë koment”, ka deklaruar Jakupi. /Gazeta Shneta/