Enver Selimi, babai i Arbenita Spahiut, pas lirimit të tri mjekeve që akuzoheshin se nuk i dhanë ndihmë vajzës së tij, ka reaguar ashpër.
“Gjykata u kapë, u kapë shteti prej ditës të parë e kam ditë, prej seancës së parë i kam përcjellë të gjitha seancat”, tha Selimaj para gazetarëve.
Selimaj tha se nëpër gjykata fiton i forti.
“Ai që është i fortë, ai fiton, viktima është viktimë gjithherë, nuk mundet me fitu kurrsesi”, tha Selimaj.
Gjykata Themelore në Gjilan liroi sot nga akuzat për trajtim të pandërgjegjshëm mjekësor e mosdhënie të ndihmës mjekësore gjinekologet Mexhide Shaqiri, Hamide Zeqiri dhe Vjollca Kosumi.
Arbenita Spahiu që ishte mësuese vdiq në spitalin e Gjilanit më 3 mars të vitit që shkoi derisa po e lindte foshnjën e saj.
Për ndriçimin e rrethanave të vdekjes së Arbenita Spahiut ishte zhvilluar një protestë në Gjilan./Kallxo.com/