Lindja e parakohshme më e hershmja ndonjëherë është regjistruar në vitin 2014. Nëna Courtney Stensrud, 32-vjeçe në atë kohë, lindi foshnjën e saj në javën e 21-të +4 ditë të shtatzënisë, shkruan Gazeta Shneta.
Foshnja erdhi në jetë me peshë vetëm 410 gramë, por mrekullisht arriti të mbijetoj dhe pa ndonjë pasojë në shëndetin e saj. Madje ajo vitin e kaluar ka filluar të shkoj në shkollë.
Para kryerjes së ultrazërit të rregullt të javës 20, shtatzënia e Courtneyt ishte krejtësisht normale. Ndërkaq gjatë kontrollit, gjinekologu e vërejti se qafa e mitrës së nënës po shkurtohej dhe përfundimisht u vendos në sallën e lindjes.
Foshnjat e lindura para javës së 25 konsiderohen si të jashtëzakonshme dhe vijnë në jetë me probleme të shumta mjekësore. Në këto situata mjekët nuk rekomandojnë intervenimin, por kur neonatologu e pa nënën duke qarë e pyeti nëse dëshiron të intervenoj.
Nëna sigurisht se pranoi dhe mjekët i vendosën foshnjës tubin e frymëmarrjes dhe ajo nga ngjyra blu u kthye në ngjyrë rozë, ka treguar neonatologu. “Jam shumë i lumtur që e bëra këtë. Ajo është një vajzë e bukur”, ka thënë ai.
Vajza tani është mirë me shëndet dhe vijon mësimet në parashkollorë. /Gazeta Shneta/