Franca dhe Belgjika lirojnë masat anti-Covid ndërsa SHBA do lejon udhëtimet në vende tjera

2021-06-09 në ora 13:55

Franca dhe Belgjika zbutën më tej kufizimet e tyre në lidhje me masat rreth COVID-19 këtë të mërkurë, duke lejuar restorante dhe kafene për të shërbyer edhe në zonat e brendshme, ndërsa Shtetet e Bashkuara lehtësuan paralajmërimet e udhëtimit për dhjetëra vende ndërsa vaksinimet rritin shpresat për një kthim në jetën normale.

Me më shumë se 3.7 milion jetë të humbura në mbarë botën, shumë kombe janë ende duke luftuar për të parandaluar shpërthimet e radhës të koronavirusit, por përhapja e shpejtë e vaksinave në pjesë më të pasura të botës po lejon kthimin e disa aktiviteteve të konsideruara të pamendueshme vetëm disa muaj më parë, shkruan MedicalxPress përcjell Gazeta Shneta.

“Një hap i ri do të ndërmerret” të mërkurën, shkroi Presidenti Emmanuel Macron në rrjetin social Twitter, kur njerëzit në Francë do të jenë në gjendje të shijojnë ngrënien në natyrë dhe qëndrimin jashtë deri në orën 11-të të mbrëmjës.

Nëse gjithçka shkon sipas planit, autoritetet franceze do të heqin shtetrrethimin brenda ditës tërësisht më 30 qershor. Në pothuajse të gjithë Francën, megjithatë, maskat mbeten të detyrueshme të barten  jashtë.

Belgjika gjithashtu do të pushojë kufizimet, duke lejuar kafenetë dhe restorantet të shërbejnë brenda.

Kryeministri Aleksandër De Croo njoftoi për orët më të gjata për bizneset dhe lehtësimin e kufizimeve në vendet sportive dhe kinematë.

Kombet evropiane janë duke rritur vaksinat ndërsa përpiqen të vendosin një ekuilibër midis shëndetit publik dhe sektorëve të ringjallur siç është turizmi që u shkatërruan nga kufizimet e udhëtimit pandemik.

Shtetet e Bashkuara të martën lehtësuan paralajmërimet e tyre karshi udhëtimeve në dhjetëra vende duke përfshirë Japoninë nikoqire të Lojërave Olimpike dhe pjesën më të madhe të Evropës.

Poashtu, Shtetet e Bashkuara kanë pasur një nga shpërndarjet më të suksesshme të vaksinave në botë dhe Presidenti Joe Biden ka vendosur një synim për t’i dhënë të paktën një dozë të vaksinës 70 përqind të të rriturve amerikanë deri më 4 korrik – një qëllim ende i arritshëm, por i rrezikuar nga hezitimi.

Vaksinat në përdorim në Shtetet e Bashkuara janë deklaruar të sigurta dhe u janë dhënë më shumë se 170 milion njerëzve, duke lejuar lehtësimin e masave anti-Covid duke përfshirë qytetin e Nju Jorkut ku koncertet dhe shfaqjet e mëdha muzikore do të kthehen përsëri. /Gazeta Shneta/