Një rast i pa gjurmuar në qytetin Shulan të Kinës dhe disa raste të tjera në Ëuhan, kanë alarmuar autoritetet në Kinë për një shpërthim të dytë të koronavirusit Covid-19.
Autoritetet në Kinë të dielën e kanë shpallë zonë me rrezik të lartë qytetin Shulan në afërsi të kufirit me Rusinë, pasi një grua 45-vjeçare u diagnostikua me virus, por nuk dihet nga është infektuar, shkruan The Guardian, transmeton Gazeta Shneta.
Mediat lokale kineze kanë raportuar se infektimi i gruas ka mbetur mister pasi ajo nuk ka raportuar të ketë udhëtuar në ndonjë qytet tjetër ose nëse ka pasur kontakte me njerëz që kanë ardhur nga qytete tjera.
Në anën tjetër në Wuhan ku ka shpërthyer Covid-19 për herë të parë në botë në dhjetor të vitit të kaluar, janë raportuar edhe 5 raste të reja. Ky është numri më i madh i rasteve në Wuhan që nga 11 marsi.
Në total të dielën në Kinë janë raportuar 17 raste të reja, që përbën numrin më të madh të rasteve në dy javët e fundit në nivel nacional. /Gazeta Shneta/