Fusha të fuqishme ciklonike nga Atlantiku do të depërtojnë ditëve të ardhshme mbi vendin tonë, që do të kushtëzojnë mot kryesisht me vransira, erë dhe të reshura shiu.
Derisa pjesët qëndrore të kontinentit do t’i kaplojë acari polar, në rajonin tonë masa të ngrohta nga Mesdheu do të sjellin mot të ngrohtë dhe temperatura maksimale deri në 20C.
Në javën e ardhshme, ky i ftohtë nga veriu i kontinentit, do të zbresë edhe mbi rajonin tonë dhe do të sjellë mundësi edhe për reshje bore, mu në ditët e para të stinës së pranverës.
Temperaturat e ajrit, gradualisht deri në fillim të javës do të zbresin, nga vlera të larta mbi mesatare, në vlera të ulëta nën mesatare për këtë periudhë kohore.
Minimalet në fundjavë do të luhaten nga 6C deri në 7C, e deri të mërkurën pritet të zbresin deri në -4C, përderisa maksimalet ditën e shtunë do të rriten deri në 20C, në fillim të javës do të zbresin deri në 1C.
Era do të fryejë mesatarisht e fuqishme dhe fuqishme nga jugu-jugperëndimi 5-15m/s.
Shtypja atmosferike do të zbresë thellë në vlera normale.