Shtatzënia shpesh përshkruhet si një kohë e mrekullueshme në jetën e një gruaje, e mbushur tërësisht me emocione të shumëfishta dhe me shpresë.
Për disa gra, kjo është diçka me fat. Por, realiteti për një përqindje të madhe të grave shtatzëna nuk përputhet me këtë imazh.
Një studim i kohëve të fundit i botuar në Journal British of Pscychiatry e mban shtatzëninë jo aq shpresëdhënëse, transmeton Gazeta Shneta.
Për shkak se ata zbuluan, se 1 në 4 gra shtatzëna kishin probleme të shëndetit mendor. Duke përfshirë: depresionin, çrregullime në ngrënie, çrregullim obsesiv, post-traumatik.
Sipas Organizatës Botërore të Shëndetësisë, pothuajse çdo grua mund të zhvillojë çrregullime mendore gjatë shtatzënisë dhe në vitin e parë pas lindjes, por disa faktorë duke përfshirë: varfërinë, stresin, ekspozimin ndaj dhunës, situatat emergjente dhe mbështetja e ulët sociale e rrit rrezikun.
Po ashtu, partnerët mund të bëhen abuziv gjatë kësaj periudhe për shkak se mund të jenë të mërzitur për një shtatzëni të padëshiruar, xhelozia, pastaj tërë vëmendja kthehet tek gruaja derisa pas lindjes, partneri mbetet jashtë, për shkak të foshnjës./Gazeta Shneta/