Gani Geci ka publikuar një video ku shihen shtretër të dëmtuar në Klinikën e Gjinekologjisë në QKUK, teksa ka njoftuar se nipi i tij i lindur para katër ditësh është infektuar me Rotavirus.
Deputetja e Kuvendit të Kosovës Marigona Geci ka lindur fëmijën e saj në Klinikën e Gjinekologjisë në QKUK më 27 tetor, shkruan Gazeta Shneta.
Babai i Marigones, Gani Geci, ka njoftuar se lindja e nipit të tij Nilit ka qenë normale, por sipas tij për shkak të papastërtisë në klinikë vogëlushi është infektuar me Rotavirus.
“Për me ba analizën për këtë virus mjekët e kanë rekomanduar që analiza të bëhet me procedurë të shpejtë por nga gabimet e teknikëve është fut në procedurë të ngadalësuar. Marigona, duke e ditur se ky virus mund të jetë i rrezikshëm nëse nuk parandalohet i ka dërguar me i ba analizat në një laborator privat, brenda 2 ore janë kthy analizat dhe nipi im ka rezultuar pozitiv me Rotavirus”, ka shkruar Geci.
Ai ka publikuar edhe një video ku shihen shtretër të dëmtuar të cilët janë blerë rishtas në QKUK dhe disa prej tyre kanë qenë edhe donacion. /Gazeta Shneta/