Një ngjarje e rëndë ka ndodhur mbrëmë në Prishtinë, ku një person është gjetur pa shenja jete në parkingun e QKUK-së. Lajmi është konfirmuar nga Policia, ndërkaq kanë nisur edhe hetimet në lidhje me rastin, raporton Gazeta Sinjali.
Sipas informacioneve të para, viktima është gjetur rreth orës 23:00, ku me të marrë lajmin, njësitet policore dhe ekipet mjekësore kanë dalë në vendin e ngjarjes.
Vdekjen e burrit e kanë konstatuar mjekët në vendin e ngjarjes.
Ndërkaq, për rastin është njoftuar edhe prokurori.
Institucionet e sigurisë tashmë kanë filluar hetimet për zbardhjen e detajeve të mëtutjeshme nga ky rast./ Gazeta Sinjali/