Në një kohë të rëndë sic ndodhet vet Ukraina, Gjermania vendos edhe një hap para për t’i dal në ndihmë. Kjo e fundit pritet të sigurojë ndihmë shëndetësore për personat e lënduar gjatë luftës.
Lajmin për këtë e ka konfirmuar Ministri i Shëndetësisë Karl Lauterbach shkruan Reuters, transmeton Gazeta Shneta.
“Ukraina ka nevojë për ndihmë humanitare po aq urgjente sa ka nevojë për mbështetjen tonë ushtarake”, tha ministri gjatë një vizite në qytetin perëndimor të Ukrainës, Lviv.
Kjo ndihmë do të përfshijë personat e lënduar gjatë luftës duke u siguruar proteza dhe vendosjen e 200 mjekëve në Ukrainë.
Prodhuesi më i madh gjerman i gjymtyrëve artificiale, Ottobock, është tashmë në bisedime me ministrinë e shëndetësisë për të ndihmuar në prodhimin dhe vendosjen e protezave.
Organizata Botërore e Shëndetësisë (OBSH) thotë se rreth 290 sulme në spitale janë regjistruar që nga fillimi i pushtimit rus të Ukrainës, më 24 shkurt.
Deri më tani, qeveria gjermane ka ofruar ndihmë mjekësore në vlerë rreth 100 milionë euro. /Gazeta Shneta/