Një gjetje e fundit sugjeron se Ozempic dhe Wegovy kanë fuqi që shtrihen përtej humbjes së peshës. Në studimin e ri u zbulua se medikamentet mund të ulin gjithashtu rrezikun e mbidozës së opioideve tek njerëzit.
Rezultatet tregojnë “semaglutidin si një trajtim të ri të mundshëm për të luftuar këtë epidemi të tmerrshme me opioide”, tha studiuesi kryesor, Rong Xu, një profesor i informatikës biomjekësore në Universitetin Case Western Reserve në Cleveland.
Për studimin, studiuesit analizuan gjashtë vjet të dhëna mjekësore për gati 33,000 pacientë me çrregullim të përdorimit të opioideve, të cilët gjithashtu kishin diabet të tipit 2, shkruan burimi Health Day transmeton Gazeta Shneta.
Të dhënat zbuluan se atyre që u ishte përshkruar semaglutidi kishin më pak gjasa të vuanin nga një mbidozë me opioide.
Studimi i ri u publikua më 25 shtator në revistën “JAMA Network Open”.
Nëse ky efekt konfirmohet në provat klinike, semaglutidi mund të sigurojë një mjet të ri për të mbrojtur njerëzit që vuajnë nga varësia nga opioidet, tha studiuesi Xu.
Rreth 107,500 njerëz vdiqën nga mbidozimi i drogës në vitin 2023 në Shtetet e Bashkuara, kryesisht nga opioidet, thanë studiuesit. /Gazeta Shneta/