Gjinekologia Aida Kumnova në një intervistë për Gazetën Shneta ka treguar se çfarë duhet të bëjnë gratë pasi ta kuptojnë se kanë mbetur shtatzënë, për të hequr të gjitha dyshimet rreth shëndetit të frytit.
Nëse një grua e kupton që është shtatzënë duhet të bëjë vizitë tek mjeku gjinekolog që të verifikohet shtatzënia dhe a është çdo gjë në rregull. Gjithashtu, thotë doktoresha Aida Kumnova, duhet të fillojë me Ac Folik tableta për zhvillimin e tubit neural të frytit.
“Pas verifikimit të shtatzënisë duhet të bëhen analiza rutinore të gjakut dhe grupin e gjakut dhe gjithsesi të bëhet testimi i gjëndrës Tiroide TSH, opsionale janë edhe analizat e antitrupave për Toxoplzamen, Rubellen dhe Cytomegallovirusin”, ka treguar mjekja.
Ajo thotë se analizat që na ndihmojnë të dimë si është gjendja e frytit brenda nënës përveç vizitës me ultratingull që na ndihmon është edhe testi NIFTY i cili na jep të dhëna të mjaftueshme për gjendjen e frytit nga ana kromozomale që është pjesa më e vështirë e diagnostifikimit nga obstetritë.
“Testi NIFTY zë një vend të rëndësishëm të mos them kyç në diagnostikimin e problemeve kromozomale të frytit. Ne gjatë përcjelljes së shtatzënisë nëse vërehet ndonjë dyshim për probleme kromozomale të frytit menjëherë kërkohet NIFTY testi i cili na jep të dhëna për frytin”, ka thënë gjinekologia Kumnova.
Testi NIFTY bëhet duke filluar nga java e 10-të e shtatzënisë e pastaj mund të bëhet deri në fund të shtatzënisë. Metoda është shumë e thjeshtë, merret gjaku nga vena 10ml dhe dërgohet për analizë dhe rezultatet merren pas 7 deri 8 ditë. Problemet të cilat mund të verifikohen janë:
Me NIFTY bazik anomalitë kromozomale të kromozomeve 13, 18 dhe 21.
Me NIFTY standard anomalitë e kromozomeve 13,18,21, sindroma turner, Sindroma Klinefelter, sindroma e X të trefishtë dhe Sindroma XYY.
Me NIFTY plus anomalitë e kromozomeve 13,18,21, sindroma turner, Sindroma Klinefelter, sindroma e X te trefishte, Sindroma XYY, trisomia 9 Trisomia 16 dhe trisomia 22, si dhe 60 anomali te delecioneve/duplikacioneve.
Nëse i merrni rezultatet e testit NIFTY konsultohuni me mjekun tuaj menjëherë! Nëse rezultatet janë në rregull atëherë të jeni të qetë që fëmija juaj është mirë.
Mjekja Aida Kumnova ka thënë se nëse rezultati i NIFTY-it tregon se fryti mund të ketë probleme, atëherë nevojitet një konfirmim përfundimtar përmes procedurës së amniocentezës.
“Por në rast se rezultatet e testit NIFTY nuk tregojnë shtatzëni të rregullt atëherë duhet të bëhet amniocenteza për verifikimin e rezultatit të NIFTY testit. Amniocenteza është analizë me të cilën merret lengu amnional i frytit dhe verifikohet edhe një herë problemi që ka dalë te fryti me NIFTY test dhe pastaj me konsilium të mjekëve në QKUK vendoset për fatin e frytit”, ka treguar gjinekologia Aida Kumnova. /Gazeta Shneta/