Kosova është një nga vendet me ajrin më të ndotur në botë, e sidomos gjatë stinës së dimrit niveli i ndotjes arrin zonën e kuqe.
Është alarmuar shpesh nga mjekët se ajri i ndotur mund të ndikoj në shtimin e rasteve të sëmundjeve kardio-pulmonare, por kjo gjë ndikon edhe tek fëmijët të cilët ende nuk kanë ardhur në jetë.
Gjinekologia Aida Kumnova është bërë pjesë e një fushate vetdijësimi lidhur me pasojat e ajrit të ndotur.
“Ajri i ndotur mund të shkaktoj dëmtime në placentën e nënës dhe pasojat në zhvillimin e frytit”, është mesazhi i Kumnovës për gjendjen e ajrit në Kosovë.
Deri më tani institucionet e Kosovës ende nuk kanë marr masa të mjaftueshme për të ulur nivelin e ndotjes. /Gazeta Shneta/