Një studim i ri nga studiuesit në Kinë ka zbuluar se mungesa e gjumit të mjaftueshëm gjatë shtatzënisë mund të shoqërohet me vonesa në zhvillimin neurologjik të fëmijëve, sidomos tek djemtë.
Rezultatet nënvizojnë rëndësinë e ruajtjes së higjienës së gjumit për shëndetin e nënës dhe të fëmijës, raporton Euronews Health përcjell Gazeta Shneta.
Sipas ekspertëve, një përqindje e lartë e grave shtatzëna përjetojnë gjumë të dobët për shkak të ndryshimeve hormonale, shqetësimeve fizike dhe nevojës së shtuar për të shkuar në tualet. Këta faktorë shpesh ndikojnë negativisht në cilësinë dhe kohëzgjatjen e gjumit.
Studimi, i botuar në revistën “Journal of Clinical Endocrinology & Metabolism”, analizoi efektet e “kohëzgjatjes së shkurtër të gjumit” (SSD), të përcaktuar si më pak se shtatë orë gjatë natës, gjatë shtatzënisë, dhe ndikimin e saj në zhvillimin e fëmijëve pas lindjes.
“Ky studim thekson rëndësinë e menaxhimit të shëndetit të gjumit gjatë shtatzënisë,” tha Dr. Peng Zhu, autori kryesor nga Universiteti Mjekësor Anhui në Kinë. Ai shtoi se gjetjet mund të ndihmojnë prindërit e ardhshëm të adoptojnë zakone më të shëndetshme gjatë kësaj periudhe.
Sipas Dr. Zhu, përmirësimi i zakoneve të gjumit gjatë shtatzënisë mund të parandalojë ose të reduktojë ndjeshëm rrezikun e problemeve neurozhvillimore tek fëmijët, duke theksuar se kujdesi për gjumin është po aq i rëndësishëm sa ushqyerja dhe kujdesi mjekësor. /Gazeta Shneta/