Hulumtime të reja sugjerojnë se personat që vuajnë nga mungesa e gjumit gjatë ditëve të punës mund të zvogëlojnë rrezikun e sëmundjeve të zemrës duke fjetur më gjatë gjatë fundjavës.
Sipas studiuesve, gjumi “kompensues” mund të ndihmojë në zbutjen e pasojave negative që privimi kronik i gjumit ka mbi shëndetin kardiovaskular, shkruan burimi Health News transmeton Gazeta Shneta.
Gjumi luan një rol thelbësor në mirëqenien e përgjithshme. Mungesa e gjumit cilësor ose orët e pamjaftueshme të pushimit ndikojnë negativisht si në funksionimin e trurit ashtu edhe në shëndetin e trupit.
Studime të shumta kanë treguar se privimi i vazhdueshëm nga gjumi lidhet me rrezik më të lartë për tension të lartë të gjakut, diabet dhe sëmundje kardiovaskulare. Për këtë arsye, Shoqata Amerikane e Zemrës e përfshiu gjumin në listën e saj të faktorëve thelbësorë për shëndetin e zemrës në vitin 2022.
Në një studim të fundit, studiues nga Kina analizuan ndikimin e gjumit më të gjatë gjatë ditëve të pushimit. Të dhënat u morën nga 90,903 pjesëmarrës të studimit Biobank në Mbretërinë e Bashkuar dhe u ndoqën për një periudhë 14-vjeçare.
Rezultatet treguan se personat e privuar nga gjumi, të cilët flinin nga 1.28 deri në 16.06 orë më shumë gjatë fundjavës, kishin rreth 20% më pak gjasa të zhvillonin sëmundje të zemrës.
Përfitimet e gjumit kompensues u vërejtën njësoj si tek burrat ashtu edhe tek gratë, duke sugjeruar se kjo strategji mund të jetë e dobishme për të dyja gjinitë në ruajtjen e shëndetit të zemrës. /Gazeta Shneta/