Gjykata Themelore nuk e ka kthyer Basri Sejdiun në krye të menaxhmentit të Shërbimit Spitalor Klinik Universitar.
Gazeta Shneta ka mësuar nga burime se kjo Gjykatë ka vendosur sërish që të shtyjë ekzekutimin e vendimit të Inspektoratit të Punës për rikthimin e Sejdiut.
Ky vendim është marr me arsyetimin se rasti i Sejdiut është çështje e shërbimit publik dhe nuk i takon Inspektoratit të Punës.
Poashtu Gjykata është bazuar edhe në interesin publik për shkak të pandemisë, për të mos krijuar vakum institucional në Shërbimin Spitalor.
Vendimi i Gjykatës Themelore mbetet në fuqi deri në një vendim përfundimtar për këtë rast. /Gazeta Shneta/