Rreth 589 milionë të rritur në mbarë botën jetonin me diabet në vitin 2024, dhe 90% e tyre kishin diabet të tipit 2. Ky lloj diabeti, që lidhet me mosfunksionimin e insulinës në trup, është i njohur edhe si faktor rreziku për zhvillimin e demencës.
Një studim i ri ka treguar se disa ilaçe për diabetin mund të kenë efekte mbrojtëse për tru. Sipas këtij studimi, personat që përdornin agonistët e receptorëve GLP-1 kishin një rrezik dukshëm më të ulët për të zhvilluar demencë në krahasim me ata që përdornin metforminë, shkruan Medical News Today transmeton Gazeta Shneta.
Dr. Szu-Yuan Wu, profesor i onkologjisë dhe farmakoepidemiologjisë në Universitetin Aziatik në Tajvan, shpjegoi për MNT se “diabeti i tipit 2 nuk është vetëm një çrregullim metabolik, por edhe një faktor i rëndësishëm rreziku për demencë, sidomos për sëmundjen e Alzheimerit dhe format e tjera jo-vaskulare të saj.”
Sipas tij, rreziku për zhvillimin e demencës është rreth 1.7 herë më i lartë tek personat me diabet të tipit 2 sesa tek popullata e përgjithshme, duke shtuar barrën për familjet dhe sistemet shëndetësore.
Studimi, i publikuar në revistën “BMJ Open Diabetes Research & Care”, konfirmon potencialin e agonistëve GLP-1 në ruajtjen e shëndetit të trurit tek pacientët me diabet. /Gazeta Shneta/