Ne gjetëm përgjigje për disa nga pyetjet më ‘të ngutshme’ të shtruara nga nënat në pritje të bebit të tyre.
A është mirë që familja të na vizitojë pasi fëmija të lindë? A duhet të konsideroj një lindje në shtëpi? Sa e shqetësuar, në përgjithësi, duhet të jem vërtet përgjatë pandemisë?
Ka shumë pak të dhëna se si koronavirusi i ri, i cili shkakton një sëmundje të frymëmarrjes të njohur si Covid-19, prek gratë që janë shtatëzëna shkruan MedicalNewsToday.
Hulumtimi që ekziston përfshin gratë që ishin në fazat e mëvonshme të shtatëzënive.
Sipas një rishikimi të studimeve për gratë shtatzëna që janë prekur nga koronavirusi i ri, i cili u botua me 17 Mars, aktualisht nuk ka të dhëna për gratë e infektuara me Covid-19 gjatë tremujorit të parë të tyre përcjell Gazeta Shneta.
Shtatzënia ndryshon sistemin imunitar të një gruaje, e cila e vë atë në një rrezik më të madh për komplikime të rënda nëse preket nga një virus i rrezikshëm ose ai gripit.
Rreziku i saj për komplikime gjithashtu rritet nëse ajo ka ndonjë gjendje themelore shëndetësore si diabeti ose lupus, tha Dr. Roxanna A. Irani.
A duhet të përgatitem për një lindje në shtëpi?
“Në këtë pikë të shpërthimit, gratë nuk duhet të ndryshojnë planet e tyre të lindjes bazuar në Covid-19″, tha Dr. Denise J. Jamieson.
Spitalet po marrin masa paraprake për të siguruar që gratë shtatzëna nuk u ekspozohen pacientëve të sëmurë dhe vizitorëve”.
A mund të jem gjidhënse nëse jam e infektuar me koronavirus?
OBSH-ja dhe organizata të tjera kanë thënë se një nënë e infektuar mund të ushqen me gji fëmijën e saj dhe të qëndrojë në të njëjtën dhomë me kusht që të marrë të gjitha masat e duhura të higjenës.
Por, më 2 prill, Akademia Amerikane e Pediatrisë tha se mënyra më e sigurt për një nënë të infektuar me koronavirus është që përkohësisht të ndahet nga i porsalinduri deri sa ajo të mos jetë më infektive.
Si mund ta parandaloj koronavirusin kur jam shtatzënë?
Sipas CDC, gratë shtatzëna duhet të bëjnë të njëjtat gjëra si publiku i gjerë për të shmangur infeksionin. Ju mund të ndihmoni të ndaloni përhapjen e COVID-19 duke ndërmarrë këto veprime:
-Mbuloni gojën dhe hundën kur kolliteni ose teshtitni.
-Shmangni njerëzit që janë të sëmurë.
-Pastroni duart shpesh duke përdorur sapun dhe ujë ose sanitizues dore me bazë alkooli.
-Distanca sociale është thelbësore gjatë kësaj kohe për të zvogëluar rrezikun e ekspozimit. /Gazeta Shneta/