Gjatë ditës së djeshme, qytetarët grek kanë protestuar kundër vendimit të marr nga qeveria për vaksinimin e detyrueshëm.
Autoritetet greke kanë bërë të ditur se protestuesit kanë hedhur flakë drejtuar policisë, gjersa kryeministri Kyriakos Mitsotakis ishte duke mbajtur fjalimin e tij shkruan Reuters, transmeton Gazeta Shneta.
Policia bëri të ditur se mbi 15 mijë qytetarë ishin pjesëmarrës në protestën e organizuar në qytetin e Selanikut.
Këto protesta kundër vaksinimeve të detyrueshme filluan që nga korriku i këtij viti.
Autoritetet njoftuan se ky vendim, përpos që përfshinte profesionistët shëndetësorë, mund të zgjerohej edhe për grupe tjera, si mësimdhënësit.
“Po për vaksinat, por jo me detyrim”, u shpreh Federata e Punonjësve Shëndetësorë, POEDYN, në një deklaratë.
Greqia ka pezulluar nga puna afro 6 mijë punonjës shëndetësor të vijës së parë të frontit pasi refuzuan të merrnin vaksinën anti covid.
Në fillim të muajit shtator, qeveria u ofroi edhe një shans të dytë për t’u vaksinuar.
POEDYN ka shprehur shqetësimet e tyre, pasi tashmë gjendja e pandemisë është rënduar, dhe në spitalet janë të mbingarkuara.
Aktualisht, 5.7 milionë grek apo 55 për qind e popullsisë janë vaksinuar plotësisht kundër Covid, kurse 59 për qind kanë marr vetëm dozën e parë./Gazeta Shneta/