Shumë shpejtë, një dozë e tretë përforcuese e vaksinës kundër Covid mund të jetë në dispozicion.
Tetë muaj pas marrjes së dozës së dytë të vaksinës shumë persona do të kenë të drejtën për të marr edhe një dozë të tretë përforcuese shkruan Very Well Health, transmeton Gazeta Shneta.
Mësoni më shumë rreth komplikimeve të shtatzënisë duke lexuar më shumë KËTU
Simptomat si lodhje, dhimbje të muskujve dhe ethe ishin prezente tek dozat fillestare, por cilat do të jenë simptomat që do e karakterizojnë këtë dozë?
Studimet në lidhje me sigurinë dhe efektivitetin e dozave shtesë janë ende në proces dhe për të deklaruar mbi efektet anësore ka pak të dhëna.
Por, deri më tani, studiuesit kanë bërë të ditur se nga kjo dozë nuk duhet të presim efekte të rënda anësore.
“Deri më tani, efektet e raportuara pas dozës së tretë ARNi ishin të ngjashme me simptomat e dy dozave fillestare: lodhje dhe dhimbje në dorë, dhe në përgjithësi simptomat ishin të lehta deri të moderuara”, thotë Qendra për Kontrollin dhe Parandalimin e Sëmundjeve (CDC).
Ndër efektet anësore të zakonshme që mund të shfaqen pas marrjes së një vaksine mRNA, përfshijnë:
-Skuqje dhe ënjtje rreth vendit të injektimit të dozës;
-Lodhje;
-Dhimbje koke;
-Dhimbje të muskujve dhe nyjeve;
-Ethe;
Doza e tretë përforcuese pritet të marr miratimin nga Administrata e Ushqimit dhe Barnave (FDA) dhe të rekomandohet nga Komiteti Këshillimor për Qendrat për Kontrollin dhe Parandalimin e Sëmundjeve (CDC)./Gazeta Shneta/