Deputeti i PD-së, Bekim Haxhiu gjatë seancës në Kuvend ka thënë se pozita gjatë dy muajve të fundit, ka pasur përpjekje për të paraqitur shifra të rrejshme me COVID-19, duke e zvogëluar numrin e rasteve të reja, shkruan Gazeta Shneta.
Sipas Haxhiut, dhjetëra pacientëve me simptoma të variantit Omicron u është dhënë terapi pa i udhëzuar që të testohen për COVID.
“As pas dy vite të pandemisë Qeveria e Kosovës nuk arrin të dalloj variante të COVID-19, sillet me neglizhencë dhe papërgjegjësi pavarësisht situatës pandemike. Gjatë muajit dhjetor dhe në fillim të janarit 2022 kishte përpjekje nga qeveria që të paraqiten shifra të rrejshme me COVID duke i zvogëluar ato, duke i kamufluar me grip sezonal pasi simptomatologjia e Omicron dhe gripit sezonal ishte e njejtë. Kemi me dhjetëra raste kur pacientët me simptoma të Omicronit u është dhënë terapia pa i udhëzuar për të bërë testin për COVID. Këta persona kanë lëvizur lirshëm dhe janë shndërruar në shpërndarës të virusit duke e rritur shpejtësinë e numrit të rasteve pozitive”, ka deklaruar ai.
Haxhiu ka thënë se brenda gjashtë muajve qeveria ka përsëritur gabimin e njëjtë me keqmenaxhimin e pandemisë.
Tutje ai ka kritikuar qeverinë edhe për masat kufizuese kundër COVID-19, madje ka kërkuar nga qeveria që me urgjencë t’i shqyrtojë masat e marra./Gazeta Shneta/