Rreth rastit të zjarrit në repartin e Psikiatrisë që ndodhi mbrëmë në orët e vona ka reaguar edhe deputeti nga PDK, z. Bekim Haxhiu i cili ka kërkuar përgjegjësi pas vdekjes së një pacienti në Klinikën e Psikiatrisë.
Deputeti Haxhiu e sheh si një dështim të radhës dhe paaftësi në kujdesin ndaj pacientëve dhe menaxhimin shëndetësor, shkruan Gazeta Shneta.
Çka dhe sa raste e skandale duhet të ndodhin që dikush të marrë përgjegjësinë për vdekjet e shumta që po ndodhin në SHSKUK, si dhe shkatërrimin e sistemit tonē shëndetësor?
Përse janë gjetur mjete rrethanore të rrezikshme te pacienti psikiatrik siç po përshkruhet me shenja agresiviteti?
A është dashur të largohen ato mjete, të kontrollohen hapësirat dhe pacientët për mbajtje të mjeteve të rrezikshme ,- shkruan Haxhiu.
Përmes një postimi në facebook ai ka kërkuar llogari dhe përgjegjësi për këtë rast dhe shumë rastë të tjera.
Postimi i plotë:
Vazhdon shtimi i skandaleve në shëndetësi.
Vdekja e pacientit dhe asfiksimi i stafit mjekësor si pasojë e zjarrëvënies në Klinikën e Psikiatrisë është dështimi i radhës, është paaftësia në kujdesin ndaj pacientëve dhe menaxhim shëndetësor.
Çka dhe sa raste e skandale duhet të ndodhin që dikush të marrë përgjegjësinë për vdekjet e shumta që po ndodhin në SHSKUK, si dhe shkatërrimin e sistemit tonē shëndetësor?
Përse janë gjetur mjete rrethanore të rrezikshme te pacienti psikiatrik siç po përshkruhet me shenja agresiviteti?
A është dashur të largohen ato mjete, të kontrollohen hapësirat dhe pacientët për mbajtje të mjeteve të rrezikshme?
Dikush duhet të jap llogari dhe përgjegjësi për këtë rast dhe shumë té tjera.