Një studim i ri në një revistë të Shoqërisë Amerikane për Mikrobiologji, ka vënë në dukje një lidhje midis infeksionit të herpesit gjatë shtatzanisë dhe një rritje të rrezikut të autizmit. Por, para se t’ju kapë paniku, le të bëjmë një vështrim më të hollësishëm se çfarë është vërtet ky hulumtim.
Është e rëndësishme të kuptohet se studimi zbuloi që një infeksion i mëparshëm nuk është i lidhur me rrezikun e autizmit, por në të vërtetë infektimi me herpes në javët e para të shtatzanisë, do të rriste dyfish rrezikun që fëmija të prekej nga çrregullimi i spektrit të autizmit.
Nëse ju, me vetëdije ose pa dijeninë tuaj keni herpes dhe jeni shtatzënë, rreziku juaj për të patur një fëmijë me autizëm nuk ndikohet, vetëm nëse infektoheni pasi keni ngelur shtatzanë.
“Ne besojmë se përgjigja imune e nënës ndaj herpesit mund të pengojë zhvillimin e sistemit nervor qendror të fetusit, duke rritur rrezikun për autizmin”, shpjegon Milada Mahic, një nga studiueset.
Autori kryesor i studimit tha: “Shkaku ose shkaqet e shumicës së rasteve të autizmit janë të panjohura. Herpesi gjatë shtatzaniëe mund të jetë vetëm një nga shumë shkaktarët që lidhen me autizmin”.
Këshilla më e mirë është të praktikoni seks të mbrojtur gjithmonë, por edhe gjatë shtatzanisë për të shmangur rrezikun e infektimit me herpes./Pernenat/