Sezoni i virusëve të dimrit ka filluar—dhe COVID-19 është ende pjesë e jetës së përditshme.
Megjithatë, ndryshe nga pandemia, tani dimë më shumë rreth mënyrës si përhapet përmes ajrit që frymojmë, shkruan burimi Medical Xpress përcjell Gazeta Shneta.
Hulumtimi nga Universiteti i Lundit në Suedi tregon se mjafton disa minuta në të njëjtën dhomë me një person të infektuar për të kapur virusin.
Mes tjerash, hulumtuesit për aerosolët hartuan infektueshmërinë e virusit te rreth 40 persona me infeksion të konfirmuar nga COVID.
“Aerosolët janë pjesëza të vogla ajrore, dhe aerosolët e liruar nga një person mund të transmetojnë infeksionin nga COVID te të tjerët brenda disa minutash në kushte normale të ambienteve të brendshme,” thotë Malin Alsved, hulumtuese kryesore e studimit, i cili u botua në “Scientific Reports”, në dhjetor të vitit 2023.
Ka pasur më parë pasiguri nëse sasitë e virusit në ajër janë të mjaftueshme për të shkaktuar infeksion.
“Hulumtimi ynë tregon se ajo që thithni mund të shkaktojë infeksion brenda një periudhe shumë të shkurtër, dhe nuk është e nevojshme që të merrni një shpërthim të teshtimës drejt jush, një takim në të njëjtën dhomë është mjaftueshëm,” thotë Alsved. /Gazeta Shneta/