Një studim i madh afatgjatë, i publikuar në revistën *Heart*, tregon se humbja e dëgjimit është e lidhur me një rrezik të shtuar për zhvillimin e dështimit të zemrës.
Studiuesit shqyrtuan të dhënat e 164,431 pjesëmarrësve nga UK Biobank dhe zbuluan se ata që kishin humbje dëgjimi kishin një rrezik më të lartë për të zhvilluar dështim të zemrës, krahasuar me ata me dëgjim normal.
Pjesëmarrësit që kishin dëgjim të dobët ose përdornin ndihmës dëgjimi kishin rrezik më të lartë për dështim të zemrës, me një rritje të rrezikut deri në 28%, përcjell Gazeta Shneta.
Humbja e dëgjimit ishte gjithashtu e lidhur me izolonimin social, ankthin dhe neurotizmin, faktorë të cilët luajtën një rol të rëndësishëm në rritjen e rrezikut të dështimit të zemrës.
Studiuesit sugjerojnë se humbja e dëgjimit mund të pasqyrojë shëndetin vaskular dhe mund të jetë një parashikues i hershëm për sëmundjet kardiovaskulare, përfshirë dështimin e zemrës.
Ata gjithashtu theksojnë se ndërhyrjet psikologjike mund të jenë të rëndësishme për të ulur rrezikun e zhvillimit të dështimit të zemrës tek individët me humbje dëgjimi./Gazeta Shneta/