Shkencëtarët nuk janë të sigurt pse COVID-19 shkakton humbje të nuhatjes tek kaq shumë persona, sepse virusi që shkakton sëmundjen, SARS-CoV-2, nuk mund të infektojë neuronet shqisore të nuhatjes.
Për shumicën e njerëzve, shqisa e nuhatjes – ajo që shkencëtarët e quajnë “olfaksion” – kthehet brenda 6 javësh apo më shumë, por rreth 10% të personave vazhdojnë të kenë probleme të mëtejshme, shkruan MedicalxPress përcjell Gazeta Shneta.
Shkencëtarët kanë qenë në mëdyshje nga efekti i COVID-19 në nuhatje, sepse neuronet tona shqisore të nuhatjes nuk mbajnë receptorët e membranës që do të lejonin virusin t’i infektojë ato.
Gjithashtu, njerëzit me COVID-19 priren të mos kenë hundë të zëna, gjë që shkakton humbjen e nuhatjes në infeksione të tilla si ftohje e zakonshme.
Pra, nëse SARS-CoV-2 nuk është në gjendje të infektojë neuronet e nuhatjes dhe molekulat e zonës kanë akses të lirë në indet e nuhatjes në hundë, pse kaq shumë njerëz me COVID-19 humbasin ndjenjën e nuhatjes?
Hulumtimi i udhëhequr nga shkencëtarët në Universitetin Columbia, në qytetin e Nju Jorkut, ka dhënë një shpjegim të mundshëm.
Rezultatet e botuara në revistën Cell, sugjerojnë që përgjigjet imune ndaj virusit kur infekton qelizat fqinje në njëfarë mënyre çaktivizojnë gjenet që zhvillojnë receptorët e nuhatjes në neuronet e nuhatjes.
Normalisht, neuronet e nuhatjes regjistrojnë erën duke dërguar sinjale elektrike në tru kur receptorët e tyre lidhen me molekulat e nuhatjes.
Studimi i realizuar në minjtë e llojit hamsters, sugjeron se infeksioni i qelizave fqinje mund të shkaktojë një riorganizim në bërthamat e këtyre neuroneve shqisore. Ky riorganizim duket se prish prodhimin e receptorëve të nuhatjes në qeliza.
Gjetjet mund të hedhin dritë mbi shkaqet e efekteve të tjera neurologjike të vazhdueshme të COVID-19, të tilla si “mjegulla e trurit”, dhimbje koke dhe depresioni. /Gazeta Shneta/