Astrit Isufi, i dyshuari për vrasjen e dyfishtë në Gollubovc të Malishevës, është arrestuar në orët e hershme të mëngjesit në një fushë në fshatin Plloqicë të Malishevës.
Gjatë arrestimit, Isufi ishte i plagosur dhe fillimisht u dërgua në urgjencën e Malishevës, ndërsa më pas në Qendrën Klinike Universitare të Kosovës nën masa të rrepta sigurie.
Drejtori i Klinikës Emergjente, Naser Syla, ka bërë të ditur se gjendja e të dyshuarit është stabile dhe se po i bëhen të gjitha ekzaminimet e nevojshme.
Ai tha gjithashtu se Isufi do të transferohet së shpejti në Klinikën Abdominale për trajtim të mëtejshëm.
“Po aktualisht pacienti ndodhet në emergjencë, jane duke iu bërë ekzaminimet. Gjendja e tij është stabile. Do të transferohet në Kirurgji Abdominale”, ka thënë Syla.