Spitali i Përgjithshëm në Pejë ka dhënë detaje lidhur me rastin tragjik të fëmijës 1.5-vjeçar që humbi jetën gjatë trajtimit në këtë institucion.
Sipas spitalit, fëmija ishte pranuar më 5 nëntor në orën 22:15 me ankesa për të vjella. Pas trajtimit, gjendja e tij u stabilizua dhe ai u lirua në shtëpi me rekomandim për të qenë i përcjellë nga afër dhe për të rikthyer në kontroll në rast nevoje.
“Në mëngjesin e datës 6 nëntor 2025, rreth orës 07:00, fëmija është sjellë sërish në spital, këtë herë në gjendje të rëndë, me çrregullime të vetëdijes dhe probleme serioze në frymëmarrje. Menjëherë është trajtuar nga ekipi i mjekëve me oksigjen dhe terapi mbështetëse, por për shkak të përkeqësimit të gjendjes është kryer intubimi nga ekipi i anesteziologëve. Pavarësisht masave reanimatore të ndërmarra me përkushtim dhe sipas protokolleve mjekësore, fatkeqësisht fëmija ka ndërruar jetë në orën 08:50.” thuhet në njoftimin e këtij institucioni.
Më 6 nëntor, rreth orës 07:00, fëmija u rikthye në spital në gjendje të rëndë, me çrregullime të vetëdijes dhe probleme në frymëmarrje. Ekipi mjekësor ndërmori trajtim urgjent dhe kryeu intubimin, por pavarësisht përpjekjeve sipas protokolleve mjekësore, fëmija humbi jetën në orën 08:50.
“Në përputhje me procedurat ligjore dhe protokollet standarde, Spitali i Përgjithshëm në Pejë ka njoftuar menjëherë Policinë e Kosovës, në orën 09:13, si dhe organet kompetente për zhvillimin e hetimeve sipas ligjit.” thuhet tutje në njoftim.
Spitali ka njoftuar menjëherë Policinë e Kosovës dhe organet kompetente për hetim dhe ka shprehur ngushëllimet më të sinqerta për familjen, duke theksuar se mbetet në dispozicion për çdo sqarim shtesë./Gazeta Shneta/
Postimi i plotë:
Spitali i Përgjithshëm në Pejë shpreh ngushëllimet më të sinqerta për familjen e fëmijës 1.5-vjeçar që ka ndërruar jetë dje në institucionin tonë.
Fëmija është pranuar në spital në orën 22:15 të datës 5 nëntor 2025 nga mjeku kujdestar, me ankesa për të vjella. Pas trajtimit të ofruar, gjendja e tij është stabilizuar dhe ai është liruar me rekomandimin që të përcillet nga afër dhe, në rast nevoje, të rikthehet për kontroll shtesë.
Në mëngjesin e datës 6 nëntor 2025, rreth orës 07:00, fëmija është sjellë sërish në spital, këtë herë në gjendje të rëndë, me çrregullime të vetëdijes dhe probleme serioze në frymëmarrje. Menjëherë është trajtuar nga ekipi i mjekëve me oksigjen dhe terapi mbështetëse, por për shkak të përkeqësimit të gjendjes është kryer intubimi nga ekipi i anesteziologëve. Pavarësisht masave reanimatore të ndërmarra me përkushtim dhe sipas protokolleve mjekësore, fatkeqësisht fëmija ka ndërruar jetë në orën 08:50.
Në përputhje me procedurat ligjore dhe protokollet standarde, Spitali i Përgjithshëm në Pejë ka njoftuar menjëherë Policinë e Kosovës, në orën 09:13, si dhe organet kompetente për zhvillimin e hetimeve sipas ligjit.
Spitali mbetet në dispozicion të institucioneve përgjegjëse për çdo sqarim shtesë, duke respektuar dhimbjen dhe privatësinë e familjes.
