Identifikimi i një varianti të ri dhe potencialisht më të transmetueshëm të koronavirusit nga autoritetet shëndetësore të Afrikës së Jugut ka ngjallur një shqetësim në gjithë botën. Si rezultat i kësaj, shumë vende kanë pezulluar fluturimet nga Afrika e Jugut.
I njohur si B.1.1.529, varianti i sapoidentifikuar është transmetuar në Botsvana, Hong Kong dhe Belgjikë shkruan CNN, transmeton Gazeta Shneta.
Sipas Lawrenece Young, virolog në Britaninë e Madhe, ka thënë se ky variant është shumë shqetësues.
Varianti ka një numër të lartë mutacionesh, rreth 50 në përgjithësi. Më e rëndësishmja, shkencëtarët gjenomikë të Afrikës së Jugut thanë të enjten se më shumë se 30 nga mutacionet u gjetën në proteinën e majës – strukturën që virusi përdor për të hyrë në qelizat që ata sulmojnë.
Në anën tjetër, Sharon Peacock, profesoreshë në Universitetin e Kembrixhit, ka thënë se ndërsa numri i përgjithshëm i rasteve me Covid-19 është relativisht i ulët në Afrikën e Jugut, ka pasur një rritje të dukshme në shtatë ditët e fundit.
Vetëm më 16 nëntor janë regjistruar 273 raste të reja, kurse në 24 orët e fundit vendi raportoi 1,200 raste të infektimit./Gazeta Shneta/