Instituti Kombëtar i Shëndetit Publik të Kosovës ka njoftuar qytetarët se Sistemi Digjital i Librezave Sanitare tashmë është aktivizuar dhe funksional, duke përmirësuar procesin e aplikimit dhe menaxhimit të këtyre dokumenteve të rëndësishme.
Sipas njoftimit, aplikimet në formë fizike do të pranohen vetëm deri më 14 prill 2026. Pas kësaj date, çdo kërkesë fizike nuk do të pranohet më, ndërsa nga data 15 prill 2026, aplikimi do të bëhet ekskluzivisht në formë elektronike, përcjell Gazeta Shneta.
Qytetarët mund të aplikojnë për librezën sanitare përmes platformës së dedikuar: https://kontrollasanitare.rks-gov.net/ose përmes faqes zyrtare të IKShPK: https://ikshpk.rks-gov.net/ duke përdorur butonin “Apliko për Librezë Sanitare”.
Udhëzimet për regjistrim dhe aplikim janë të disponueshme brenda platformës, te seksioni “Hapni llogarinë”.
Për çdo pyetje ose informatë shtesë, qytetarët mund të kontaktojnë IKShPK-në përmes emailit: [email protected]. /Gazeta Shneta/