Instituti Kombëtar i Shëndetit Publik ka marr vendim për ndalimin e marrjes së mostrave për teste PCR për nevoja të udhëtimit jashtë vendit.
Drejtori i Laboratorit të Mikrobiologjisë, Dr. Xhevat Jakupi, më 22 mars ka nxjerr një vendim për ndalimin e marrjes së mostrave për teste PCR për qytetarët që kanë nevojë për udhëtime jashtë vendit, shkruan Gazeta Shneta.
Ky vendim është marr për shkak të mungesës së testeve në stokun e IKSHPK-së, si dhe fluksit të madh të qytetarëve që kanë nevojë të testohen për nevoja diagnostike.
“Mostrat do të merren vetëm sipas indikacioneve epidemiologjike si dhe për persona që shkojnë për trajtim mjekësor jashtë Kosovës, ku me këtë rast qytetarët duhet të paraqesin ftesën ose dëshminë për terminin e caktuar në institucionin shëndetësor jashtë Kosovës”, thuhet në vendimin e Jakupit.
Ai ka kërkuar gjithashtu nga personeli që të mos shënohet data dhe ora në dokumentin e rezultatit të testit.
Përjashtim nga kjo bëjnë vetëm rastet që kanë nevojë të shkojnë jashtë për trajtim mjekësor. /Gazeta Shneta/
