Një studim i ri ka zbuluar se disa ilaçe të zakonshme, të përdorura për parandalimin e infarkteve, mund të rrisin rrezikun e hemoragjive cerebrale. Sipas kërkuesve, në gjysmën e rasteve, përdorimi i këtyre ilaçeve nuk është i justifikuar dhe shpesh nuk është i nevojshëm.
Medikamentet antiagreguese, si cardioaspirina, përdoren për të parandaluar koagulimin e gjakut dhe për të ulur rrezikun e goditjeve ishemike. Megjithatë, këto ilaçe shpesh përshkruhen te njerëzit që kanë faktorë të rrezikut vaskular vetëm për shkak të moshës, pa ndonjë arsye të fortë klinike, shkruan BBC, transmeton Gazeta Shneta.
Efektet e dëmshme të ilaçeve antiagreguese:
- 40% e hemoragjive cerebrale ndodhin tek persona që i përdorin këto medikamente.
- Indeksi i vdekshmërisë për ata që marrin ilaçe antiagreguese është dukshëm më i lartë (45%) krahasuar me ata që nuk i përdorin (26%).
Ekspertët paralajmërojnë për përdorimin e pakontrolluar të këtyre medikamenteve dhe theksojnë rëndësinë e konsultimit me mjekun përpara se të fillohet një trajtim i tillë.
Ky studim, i botuar në revistën Scientific Reports, nxit rishikimin e praktikave mjekësore për të siguruar që përfitimet e këtyre ilaçeve të peshohen kundrejt rreziqeve që ato mund të shkaktojnë./ Gazeta Shneta/