Një ilaç i përdorur për diabetin, dapagliflozini, ka treguar rezultate të mira në trajtimin e sëmundjes së dhjamit në mëlçi, një problem i zakonshëm që mund të shkaktojë dëmtime serioze të mëlçisë.
Sipas një studimi të ri, pacientët që morën këtë ilaç për 48 javë patën përmirësim të dukshëm, madje 23% prej tyre u shëruan plotësisht nga kjo sëmundje, krahasuar me vetëm 8% të pacientëve që morën ilaçe placebo.
Dapagliflozini funksionon duke ndihmuar trupin të heqë sheqerin e tepërt nga gjaku përmes urinës, dhe tashmë duket se ndihmon edhe në uljen e yndyrnave në mëlçi, shkruan HealthDay transmeton Gazeta Shneta.
Ky është një lajm i mirë për njerëzit që vuajnë nga kjo sëmundje, sidomos ata që kanë edhe diabet ose mbipeshë.
Studimi u zhvillua në Kinë me 154 pacientë, dhe nuk u raportuan efekte anësore të rënda.
Mjekët besojnë se ky ilaç mund të jetë një hap i rëndësishëm për përmirësimin e shëndetit të mëlçisë dhe parandalimin e komplikimeve serioze siç janë cirroza apo kanceri i mëlçisë./Gazeta Shneta/