Infeksioni i traktit urinar është një infeksion bakterial i fshikëzës dhe nganjëherë dhe i veshkave. Të sapolindurit dhe bebet mund të mos kenë asnjë simptomë tjetër përveç një ethe, ndërsa fëmijët më të mëdhenj kanë dhimbje ose djegie gjatë urinimit, dhimbje në rajonin e fshikëzës dhe një nevojë për të urinuar shpesh.
Infeksionet e traktit urinar janë të zakonshme në fëmijëri. Pothuajse të gjitha infeksionet janë të shkaktuara nga bakteret që hyjnë në hapjen e uretrës (tubi i cili largon urinën nga fshikëza jashtë trupit) dhe lëvizë lart në fshikëzën urinare dhe ndonjëherë në veshka – shkruan cps.ca, transmeton Gazeta Shneta.
Rrallëherë, në infeksione të rënda, bakteret mund të hyjnë në qarkullimin e gjakut nga veshkat dhe të shkaktojnë infeksion të qarkullimit të gjakut (sepsës) ose të organeve të tjera.
Simptomat
Të sapolindurit me infeksion mund të mos kenë simptoma të tjera përveç etheve. Ndonjëherë ata nuk hanë mirë ,vjellin ose kanë diarre. Të sapolindurit mund të zhvillojnë një infeksion të rrezikshëm- sepsën që mund të vie nga një infeksion i traktit urinar.
Bebet dhe fëmijët nën moshën 2 vjeç me infeksion mund të kenë ethe, të vjella, diarre, dhimbje barku ose urinë të shpeshtë
Fëmijët mbi moshën 2 vjeçare me një infeksion urinar zakonisht kanë simptomat tipike të një fshikëze ose infeksioni të veshkave të ngjashme me të rriturit.
Fëmijët me infeksione të fshikëzës (cistitis) zakonisht kanë dhimbje ose djegie gjatë urinimit, një nevojë për të urinuar shpesh dhe urgjentisht, dhe dhimbje në rajonin e fshikëzës. Ata mund të kenë vështirësi në urinimin ose mbajtjen e urinës (mosmbajtjeje urinare). Urina mund të ketë erë të keqe.
Diagnoza
Arrihet përmes : testeve të urines, imazhi të traktit urinar (ultrasonografia e veshkave dhe fshikëzës), ndonjëherë dhe testeve të gjakut
Masat mbrojtëse kundër infeksionit
Kur e pastroni fëmijën tuaj, zona gjenitale të pastrohet me ujë, e jo sapun.
Mos përdorni banjo – shampone me flluskë, pasi ajo është mjaft irrituese.
Preferohet që fëmija të konsumojë shumë lëngje çdo ditë për të mbajtur një rrjedhje të mirë të urinës.
Trajtimi
Bëhet me antibiotikë dhe ndërhyrja kirurgjikale
Fëmijët që duken të sëmurë ose rezultatet e analizave fillestare të të cilave sygjerojnë në një infeksion, u jepet antibiotikë përpara se rezultatet e kulturës të jenë në dispozicion.
Fëmijët që janë shumë të sëmurë dhe të gjithë të sapolindurit marrin antibiotikë me anë të injektimit ose në një muskul (intramuskular) ose në venat (intravenoze).
Fëmijëve të tjerë u jepet antibiotikë oral. Trajtimi zakonisht zgjat 7-14 ditë.
Disa fëmijë me anomalie strukturore të traktit urinar iu nënshtrohen ndërhyrjeve kirurgjikale për të korrigjuar problemin./Gazeta Shneta/