Inspektorati i Punës ka vendosur në favor të Basri Sejdiut, dhe ka kërkuar nga Bordi që të anulojë vendimin për shkarkimin e tij.
Sejdiu ka publikuar dokumentin e vendimit të Inspektoratit ku thuhet se ankesa e tij është e bazuar, kundër vendimit të Bordit Drejtues të SHSKUK-së. “Obligohet Bordi Drejtues i SHSKUK-së që brenda 8 ditëve të ndërmarr këto masa: Të anulohet vendimi i datës 21.07 dhe efektet juridike të krijuara nga vendimi në fjalë. Dhe brenda 3 ditëve pas kalimit të afatit 8 ditor të njoftojë Inspektoratin e Punës”, thuhet në këtë dokument, shkruan Gazeta Shneta.
Sejdiu ka shkruar se ky vendim i inspektoratit thekson se arsyetimet që Bordi i ka listuar për shkarkimin e tij, në fakt nuk janë kompetencë e drejtorit të përgjithshëm.
“Poashtu listimet e raporteve të auditimeve të brendshme nuk kanë relevancë në raport me detyrat dhe përgjegjësitë e drejtorit të përgjithshëm të SHSKUK, duke potencuar raportin e auditorit të përgjithshëm ku përshkruhet se SHSKUK ka aplikuar një çasje të përmirësuar në shumë fusha të menaxhimit financiar dhe llogaridhënies si dhe zbatimit të rekomandimeve të dala nga raportet e mëhershme të auditimit”, ka shkruar Sejdiu.
Më poshtë është postimi i tij i plotë. /Gazeta Shneta/