Inteligjenca artificiale (AI) mund të përmirësojë vlerësimet e mjekëve për mamografitë, duke zbuluar me saktësi edhe kanceret më të vogla të gjirit me më pak lexime të frikshme ‘false pozitive’, zbulon një studim i ri.
Mamografia e asistuar nga AI zbuloi dukshëm më shumë kancere të gjirit, me një shkallë më të ulët të rezultateve ‘false-pozitive’, sesa mjekët që vlerësonin mamografitë vetë, raportuan studiuesit më 4 qershor në revistën “Radiology”, shkruan Health Day përcjell Gazeta Shneta.
Gati 21% më pak gra duhej të ktheheshin për një mamografi pasuese kur AI ndihmoi mjekët të analizonin imazhet e gjirit, zbuluan studiuesit.
“Ne besojmë se AI ka potencialin për të përmirësuar performancën e shqyrtimit,” tha studiuesi Andreas Lauritzen, një student postdoktorature në Universitetin e Kopenhagës në Danimarkë.
Për studimin, studiuesit iu kërkuan radiologëve të lexonin mamografitë e gati 61,000 grave daneze të moshës 50 deri në 69-vjeç, të cilat u kontrolluan midis tetorit 2020 dhe nëntorit 2021, përpara se AI të ishte në dispozicion për këtë qëllim.
Më pas, ndërmjet nëntorit 2021 dhe tetorit 2022, ekipi kërkoi që një program i AI të kryente analizën e parë të ekzaminimeve të gjirit për më shumë se 58,000 gra. Mamogramet që konsideroheshin normale nga AI iu dhanë një ekzaminim të dytë nga radiologët njerëzorë, për të konfirmuar analizën e programit.
Ekzaminimi i ndihmuar nga AI zbuloi më shumë kancere të gjirit (0.8% kundrejt 0.7%) dhe kishte një përqindje më të ulët të rezultateve ‘false-pozitive’ (1.6% kundrejt 2.4%), tregojnë rezultatet.
AI gjithashtu ndihmoi mjekët të gjenin më shumë tumore me madhësi 1 centimetër, 45% kundrejt 37%.
Ndihma e AI gjithashtu zvogëloi ngarkesën e leximit të radiologëve me më shumë se 33%, gjë që është e rëndësishme për t’i bërë mamografitë gjerësisht të disponueshme, thanë studiuesit. /Gazeta Shneta/