Ish-anëtarja e Bordit Drejtues të SHSKUK-së Vjollca Kadolli ka thënë se bashkë me kolegët e saj kanë dhënë maksimumin për të menaxhuar këtë institucion, përkundër sfidave si pandemia.
Kadolli e cila ka qenë përfaqësuese e Kujdesit Parësor Shëndetësor në Bordin e SHSKUK-së, ka falënderuar tre ministrat e shëndetësisë, Armend Zemaj, Rifat Latifi dhe Arben Vitinë, transmeton Gazeta Shneta.
“Kemi ardhur në kohën e pandemisë, në sfidën më të madhe që ka njohur shëndetësia jonë. Bashkë kemi arritur ta menaxhojmë në mënyrën më të mirë të mundshme, me kapacitetet që kemi pasur në dispozicion”, ka deklaruar Kadolli.
Lexoni postimin e saj të plotë:
Sot përfundova mandatin si anëtare e Bordit Drejtues të SHSKUK-së.
Gjithmonë falënderuese ndaj atyre qê më propozuan dhe besuan që une të jem pjesë e këtij organi kaq të rëndësishëm, si përfaqësuese e Kujdesit Parësor Shëndetësor.
Falënderim i veçantë për ministrin Armend Zemaj, e dr.Rifat Latifi dhe dr.Arben Vitia.
Bashkë me dr.Aida Rexhepin, Dr.Xhevat Jakupin, Dr.Agreta Gecaj, Mentor Sadikun, Enver Gashin, Fahredin Majkovci , dr.Diellor Rizaj, dr.Naim Hoxhën, dr.Hanumshahen, dr.Isufin e Musa Vitinë
kemi dhënë maksimumin, pasiqë jemi përballur me shumë sfida dhe jemi munduar që të përmushim obligimet dhe përgjegjësitë tona qê na obligon ligji.
Kemi ardhur në kohën e pandemisë, në sfidën më të madhe që ka njohur shëndetësia jonë. Bashkë kemi arritur ta menaxhojmë në mënyrën më të mirë të mundshme, me kapacitetet që kemi pasur në dispozicion.
Mendoj që kemi bërë përparim në shume sfera të shëndetësisë, duke filluar edhe shērbime të reja si dhe duke rritur kualitetin shërbimit ndaj pacientëve dhe forcimin e sistemit tonë shëndetësor, të gjitha këto në kordinim me drejtorët e SHSKUK-së.
Kemi marre shume vendime qe do te ndikojne ne avancimin e shume sherbimeve të reja ne te ardhmen.
Do tê vazhdoj të kontriboj në avancimin e shërbimeve shëndetësore ndaj pacientëve.