Basri Lenjani, ish-drejtori i Klinikës Emergjente në Qendrën Klinike Universitare të Kosovës, ka ngritur zërin për pasojat negative në shëndetin e njeriut nga përdorimi i mjeteve piroteknike. Duke qenë afër festave të fundvitit, ai ka bërë thirrje për kujdes shtesë, duke paraqitur raporte nga SHBA që tregojnë rrezikun e tyre.
Në një postim në Facebook, Lenjani ka dhënë këshilla të rëndësishme për përdorimin e mjeteve piroteknike, duke theksuar se kujdesi gjatë përdorimit të tyre është jetik. Ai ka cituar raportin e vitit 2022 nga Komisioni i Sigurisë së Produkteve të Konsumatorit në SHBA, duke treguar se 11 persona humbën jetën si rezultat i lëndimeve nga kjo kategori e mjeteve.
Specialisti i Mjekësisë Emergjente ka rritur ndërgjegjësimin rreth rrezikut të përdorimit të mjeteve piroteknike, duke rekomanduar alternativa më të sigurta si xixëllonjat për fëmijët. Ai gjithashtu ka sqaruar shenjat dhe simptomat që mund të shfaqen tek personat që përdorin këto mjete.
Ndërkohë, MPB-ja në Kosovë ka bërë të ditur se përdorimi dhe shitja e mjeteve piroteknike janë të paligjshme, duke parashikuar gjoba deri në 500 euro dhe dënime burgu deri në 10 vjet për shkelësit. Ky njoftim vjen pas vendimeve të mëparshme për ndalimin e përdorimit të këtyre mjeteve nga autoritetet lokale të komunave./GazetaShneta/
