Ish-ministri i Shëndetësisë Uran Ismaili i ka dedikuar një shkrim profesor Salih Ahmetit, pasi infektologu i dha fund punës në klinikë pasi mbushi moshën e pensionimit.
Ismaili e ka quajtur Ahmetin hero të pandemisë, njeri profesional i cili gjithmonë ishte në krye të detyrës, shkruan Gazeta Shneta.
“Sot qenka pensionu Prof. Dr. Salih Ahmeti, heroi i pandemisë. Një njeri i qetë, profesional dhe gjithmonë në krye të detyrës. Kur pandemia rëndonte shëndetin e gati çdo familjeje në Kosovë, Profa na qetësonte me këshillat e përgjithshme por edhe kujdesin intensiv në klinikë.
“Shembuj të tillë të profesionistëve na tregojnë që heronjtë me vërtetë janë mes nesh. Faleminderit Profë për angazhimin tënd dhe shembullin që e jep se si të punohet me nderë, mirësjellje e dashuri për profesionin më human në botë”, ka shkruar Ismaili. /Gazeta Shneta/