Ministri i Shëndetësisë, Uran Ismaili dhe kryetari i Komunës së Gjilanit, Lutfi Haziri, kanë nënshkruar plotësim ndryshimin e Marrëveshjes së mirëkuptimit për ndërtimin e Qendrës së Mjekësisë Familjare në Gjilan.
Përmes kësaj marrëveshje, Ministria e Shëndetësisë zotohet të bëj pagesën e mbetur të mjeteve në vlerë prej 562,969 euro për realizimin e këtij projekti, të cilin MSh e ka financuar me 1 milion euro.
Pas nënshkrimit të marrëveshjes, Ministri i Shëndetësië, Ismaili tha se Qendra e re e Mjekësisë Familjare do të plotësoj të gjitha kushtet për shërbime shëndetësore të dinjitetshme për qytetarët e Gjilanit.
“Edhe 560 mijë euro të tjera për ndërtimin e Qendrës së Mjekësisë Familjare në Gjilan. Me kryetarin e Gjilanit, Lutfi Haziri, sot nënshkruam plotësim ndryshimin e marrëveshjes së mirëkuptimit për këtë projekt, të cilin Ministria e Shëndetësisë e financon me 1 milion euro. Qendra e re e Mjekësisë Familjare do të plotësoj të gjitha kushtet për shërbime shëndetësore të dinjitetshme për qytetarët e Gjilanit”, citohet Ismaili në njoftimin e MSH-së, transmeton Gazeta Shneta.
Edhe kryetari i Gjilanit, Lutfi Haziri, shprehu falënderimin e tij për zhvillimin e këtij projekti me rëndësi për qytetarët e Gjilanit.
Vlera e Kontratës bazë të Projektit është 1,195,438.67 €, në realizim të së cilit, MSh është bashkë-investitorë me pjesëmarrje në investim në shkallën prej 85% nga shuma e kontratës bazë, përkatësisht, 1,016,122.87 €, ndërsa Komuna, është bashkë – investitorë dhe përfitues me pjesëmarrje në investim në shkallën prej 15%, përkatësisht 179,315.80 €, nga shuma e kontratës bazë, përfundon njoftimi. /Gazeta Shneta/