Ismaili uron Bordin e ri, thotë se do të kërkojë llogaridhënie
Ministri i Shëndetësisë, Uran Ismaili, ka uruar anëtarët për emërimin në Bordin e ri të SHSKUK-së.
Ismaili ka thënë se me përbërjen e re, është bërë një hap drejt qëllimeve që ai i ka vendosur për shëndetësinë, transmeton Gazeta Shneta.
“Kur kam marrë përgjegjësinë për ta drejtuar Ministrinë e Shëndetësisë, synimi im parësor ka qenë vendosja e rregullit dhe e llogaridhënies në institucionet spitalore.”
“Emërimi i bordit të ri të SHSKUK-së është një hap i rëndësishëm drejt arritjes së këtij qëllimi”, ka shkruar Ismaili në facebook.
Ai ka përsëritur se shëndetësia është prioritet i Qeverisë.
“Bordit të ri, suksese në punë. Rregull, llogaridhënie, shërbime meritore”, ka përfunduar ai.
Emërimin e anëtarëve të rinj të Bordit e ka miratuar sot Qeveria e Kosovës.
Në Bord do të jetë sërish Shemsi Veseli, ndërsa anëtarët e ri janë: Fatmir Dragidell, Naser Ramadani, Mirdita Hajdari, Ardian Ferizi. /Gazeta Shneta/