Kryeministri izraelit Naftali Bennett, njoftoi të dielën se një vaksinë e katërt kundër COVID do t’u jepet njerëzve mbi 60 vjeç dhe punonjësve shëndetësorë në mes të një rritjeje të nxitur nga varianti Omicron.
“Vala Omicron është këtu dhe ne duhet të mbrojmë veten,” tha kryeministri Bennett në një konferencë shtypi, shkruan MedicalxPress transmeton Gazeta Shneta.
Ai tha se ministria e shëndetësisë kishte aprovuar injeksionin për njerëzit mbi 60 vjeç dhe punonjësit e shëndetësisë.
Izraeli autorizoi të enjten një vaksinë të katërt kundër COVID për ata me imunitet të dobësuar, duke u bërë një nga vendet e para që morën këtë iniciativë.
Autoritetet të dielën raportuan gjithashtu 4,206 infeksione të reja COVID gjatë 24 orëve të fundit, dhe një rritje prej 195 për qind gjatë javës së kaluar.
Kryeministri Bennett, paralajmëroi se rastet mund të rriten në rreth “50,000 në ditë së shpejti”, duke u kërkuar të gjithë të rriturve dhe fëmijëve që të vaksinohen.
Më shumë se katër milionë njerëz nga popullsia e Izraelit prej 9.2 milionë banorësh kanë marrë tre injeksione të vaksinës kundër koronavirusit.
Një total prej pothuajse 1.4 milion raste të infeksionit COVID, përfshirë 8,244 vdekje, janë regjistruar zyrtarisht në Izrael. /Gazeta Shneta/