Një studim i fundit tregon se fëmijët dhe adoleshentët të cilët nuk marrin sasi të mjaftueshme të vitaminës D kanë rrezik më të madh të vuajnë nga alergjia.
Fëmijët të cilët nuk marrin sasi të mjaftueshme të vitaminës D mund të jenë në rrezik më të madh për zhvillimin e alergjive, tregon një studim i ri. Hulumtuesit në Neë York kanë analizuar nivelet e vitaminës D në gjak te më shumë se 3.100 fëmijë dhe të rinj dhe te afro 3.400 të rritur.
Megjithatë te të rriturit, nuk është gjetur asnjë lidhje në mes të niveleve të ulëta vitaminës D dhe alergjisë, por lidhja ishte theksuar te fëmijët dhe adoleshentët.
Fëmijët dhe të rinjtë e moshës një deri në 21 vjeçe me nivel të ulët të vitaminës D kanë qenë më të prirë për të qenë të ndjeshëm në 11 nga 17 alergjenët për të cilët janë testuar, duke përfshirë edhe alergjitë e mjedisit dhe e ushqimit.
Për shembull, fëmijët që kishin mungesë të vitaminës D, e cila është përcaktuar si më pak se 15 nanogramë në mililitër gjak, kanë 2,4 herë më shumë gjasa të preken nga alergjia në kikirikë se fëmijët me nivel të mjaftueshëm, ose rreth 30 nanogramë vitaminë D në një mililitër gjak.
Fëmijët me nivel të ulët të vitaminës D kanë pasur edhe një rritje të rrezikut të ndjeshmërisë alergjike ndaj karkalecave, qenve, buburrecave, disa llojeve të bimëve, si thekër, lis, bar të Bermudeve, dhe gjemb-gomari.